சமூகப் பேரிழிவு களைவதற்கான தீர்வுகள்:

2016 திருநாள் கொண்டச்சேரி,
நாகப்பட்டினம் மாவட்டம்

சமூகப் பேரிழிவு களைவதற்கான தீர்வுகள்:

1. இந்து மதத்தினை பின்பற்றுவதனாலேயே சேரியில் வாழும் தாழ்த்தப்பட்ட ஒருவன் "நீ ஒரு தாழ்த்தபட்ட சாதியினை சேர்ந்தவன்" என்று பிற சாதியினரால் முத்திரை குத்தப்படுகிறான்.

2. இன்றைய சூழ்நிலையில் நிச்சயமாக சாதியை ஒருவன் மாற்றவே முடியாது. மதம் வேண்டுமானால் மாறலாம்.

3. இஸ்லாம் மதத்திற்கு ஒருவன் மாறினால் மட்டுமே ஆதிக்க சாதியினர் சற்று மரியாதை தருவார்கள். "வணக்கம் பாய்","வாங்க பாய்" என்பன போன்ற மரியாதைகள் கிடைக்கும். மூன்று தலைமுறைகளுக்குப் பிறகு அந்த குடும்பம் ஒரு தாழ்த்தப்பட்ட குடும்பத்திலிருந்து தான் பின்பு இஸ்லாம் மதத்திற்கு மாறினார்கள் என்பது அனைவராலும் மறக்கப்பட்டுவிடும்.

4. தாழ்த்தப்பட்ட சாதியினர் அனைவரும் ஒன்றாக இஸ்லாம் மதத்திற்கு மாறிவிட்டால் இந்து மதத்தின்படி கடைசியான/ நான்காம் வர்ணமான சூத்திர சாதியினர் என்பவர்கள் இந்து மததிலேயே இல்லாமல் போய்விடுவார்கள்.

5. இப்போது கடைசியாக இருக்கும் வர்ணமான, மூன்றாம் வர்ணமான வைசிய வர்ணத்தினர்தான் அடுத்து இருக்கும் தாழ்வான சாதியினராக இந்து மதத்தில் வாழ்வார்கள். அவர்களும் பிற உயர்சாதியினரான பிராமண மற்றும் சத்திரிய சாதியினரால் "நீ ஒரு தாழ்த்தபட்ட வைசியன்", என்று அவமானப்படுத்தப்பட்டால் அவர்களும் இஸ்லாம் மதத்தினையே பின்பற்ற வேண்டும்.

6. வேறு நாடுகளுக்கு சென்று அங்கேயே குடியுரிமை பெற்றும் இந்த சமூகப் பேரிழிவிலிருந்து தன்னையோ, தன் பரம்பரையையோ ஒருவன் காப்பாற்றிக் கொள்ளலாம்.

2016 திருநாள் கொண்டச்சேரி, நாகப்பட்டினம் மாவட்டம்

சமூகப் பேரிழிவு!

ஆனந்த விகடன்- தலையங்கம் (Jan 20, 2016)

நாகப்பட்டினம் மாவட்டம் திருநாள் கொண்டச்சேரி என்ற கிராமத்தில், இறந்துபோன தலித் முதியவர் ஒருவரின் உடலை பொதுப் பாதையில் எடுத்துச் செல்லவிடாமல் தடுத்த ஆதிக்கச் சாதியினரின் சாதித் திமிரும், இந்த அநீதிக்கு அனைத்து வகைகளிலும் துணை நின்ற அரசின் அதிகாரத் திமிரும் நவீனத் தீண்டாமையின் கோர முகங்கள். இந்தியாவின் எத்தனையோ கிராமங்களைப் போல, திருநாள் கொண்டச்சேரியும் ஊர் என்றும் சேரி என்றும் பிரிந்துதான் இருக்கிறது. செத்த பிறகும் ஒட்டியிருக்கும் திமிர் சாதிக்கு மட்டுமே இருப்பதால், ஊருக்கும் சேரிக்கும் தனித்தனியே சுடுகாடு. அங்கே சேரி சுடுகாட்டுக்குச் செல்ல சாலை வசதி இல்லை. 

இறந்தவர்களின் உடலை வயல் வரப்புகளின் வழியேதான் தூக்கிச் செல்ல வேண்டும். சுடுகாட்டுக்குச் செல்ல பொதுப்பாதை இருக்கிறது. ஆனால் அதன் வழியே செல்ல, ஆதிக்கச் சாதியினர் அனுமதிப்பது இல்லை. கடந்த நவம்பர் மாதம் 26ம்தேதி குஞ்சம்மாள் என்ற மூதாட்டி மரணம் அடைந்தார்.

மழை நேரச் சகதியில் வயல், வரப்புகளின் வழியே பிணத்தைத் தூக்கிச் செல்வது சிரமம் என்பதால், பொதுப் பாதையில் செல்ல தலித்கள் முயல… ஆதிக்கச் சாதியினர் அதை ஏற்கவில்லை. பதற்றம் உருவாகி, போலீஸ் குவிக்கப்பட்டு, இறுதியில் "எப்போதும் ஊர் 

வழக்கம்போல வரப்பின் வழியே தூக்கிச் செல்லுங்கள்" என தீர்ப்பு சொன்னார்கள் சட்டத்தின் காவலர்களான காவல்துறையினர்.இந்த நிலையில்தான் கடந்த 3-ம் தேதி குஞ்சம் மாளின் கணவர் செல்லமுத்து இறந்துபோனார். பொதுப்பாதையில் விடமாட்டார்கள் என்பது தெரிந்ததால், செல்லமுத்துவின் பேரன் உயர்நீதிமன்றத்தின் கதவுகளைத் தட்டினார். "பொதுப் பாதையில் எடுத்துச் சென்று அடக்கம் செய்ய வேண்டும். இதற்கு காவல்துறை பாதுகாப்பு கொடுக்க வேண்டும்" என்று உத்தரவிட்டது நீதிமன்றம்.

ஆனால், சாதிவெறிக்கு முன்னால் நீதிமன்றம் எம்மாத்திரம்? சட்டம் பெரியதா… சாதி பெரியதா என்றால், சாதியே பெரியது என்பதை மறுபடி ஒருமுறை நிரூபித்தார்கள் திருநாள் கொண்டச்சேரியின் ஆதிக்கச் சாதியினர். இந்திய அரசியல் சாசனத்துக்கு எதிராகவும், நீதிமன்ற உத்தரவுக்கு எதிராகவும் செயல்படும் அவர் களின் மீது வழக்கு தொடர்ந்து கைது செய்ய வேண்டிய காவல்துறையோ, பொக்லைன் மூலம் புதியபாதை அமைத்து, "இதன் வழியே சடலத்தை எடுத்துச் செல்லுங்கள்" என்றது. சாதிப் பாகுபாட்டைக் கலைவதற்கு நீதிமன்றம் உத்தரவிட்டால், தீண்டாமைச் சாலை அமைத்து சாதிவெறியை மேற்கொண்டும் உறுதிப்படுத்தும் வேலையைச் செய்தது காவல்துறை.

அந்தச் சாலையில் செல்ல மறுத்து, பொதுப்பாதையின் வழியே செல்வதற்கு தலித்கள் முயல… அவர்கள் மீது தடியடி நடத்திய காவல்துறை, "சமூக அமைதியைச் சீர்குலைத்ததாக" 50 தலித் களைக் கைது செய்திருக்கிறது.மனித மாண்புகளுடன் வாழ அனுமதிக்காத இந்த அநீதியான சாதிவெறி அமைப்பு, கண்ணியமான மரணத்துக்கும் தடையாக நிற்கிறது. இதை அகற்ற வேண்டிய அரசின் காவல் துறையோ, நீதிமன்ற உத்தரவையே காலில் போட்டு நசுக்கி,சாதி காக்கிறது. 

2016 திருநாள் கொண்டச்சேரி, நாகப்பட்டினம் மாவட்டம்

சாதியைப் பயன்படுத்திக் கொள்வதில் புதிய புதிய நுட்பங்களைக் கையாளும் அரசியல்கட்சிகளும் அரசும், சாதியை ஒழிக்க ஒரு வழி கண்டறியும் என நம்புவதற்கு இனி இடம் இல்லை.

மனிதகுல வளர்ச்சிக்கு பெரும் தடையாக இருக்கும் சாதியை, நாம்தான் தூக்கித் தூர வீச வேண்டும். ஏனெனில் கழிவைச் சுமந்துகொண்டு வெகுதூரம் பயணிக்க முடியாது!-

ஆனந்தவிகடன் தலையங்கம் (20-1-16)